Баавар буюу Ш.Батбаяр хар тамхины хэрэгт холбогдсон дөрвөн залуугийн хамт хоригдоод багагүй хугацааг өнгөрөөгөөд байгаа билээ. Тэрээр хэд хоногийн өмнө батлан даалтад гарах хүсэлтэй буйгаа хуулийнханд хэлсэн тухай бид өмнө мэдээлсэн.

Түүний хүсэлтийн хариуд УМБГ "Батлан даалтад гаргах боломжгүй. Үйлдсэн хэргийн хэлбэр, зүйл ангиас хамааран цагдан хорих хугацааг цаашид сунгана” гэжээ. Учир нь Бааварын холбогдсон хар тамхины хэрэг онц ноцтой гэмт хэрэгт тооцогддог.Одоогоор Бааварт холбогдох хэргийн мөрдөн байцаалт үргэлжилсээр байгаа аж.